top of page
黃詩詠姊妹 :
"我完全相信耶穌真係為我哋釘過十字架,就算自己唔小心被針拮過,都會覺得痛,何況一支好粗嘅釘,係耶穌手中有釘過的痕跡,我覺得真係好痛好痛。"
我是一個讀理科嘅人,即係物理、化學、生物同數學等
科目,所有嘢都可以用計算或者用方程式就計到答案。
細個時,我覺得進化論係正確,因為細細個成日都聽到有人話,人類係由猴子進化而成。而且仲有圖解,每個步驟都好清楚。
另外,我都沈迷於星座,每個星期都會睇星座運程,睇吓下星期嘅運程係好定壞。
直到我長大成人,我第一次面對死亡的時候,就係我阿爺的離去。我記得初時阿爺入醫院,身體情況都唔差,突然,
住咗醫院大約三、四日左右,健康突然轉差,情況急轉直下,只係用維生機器連接着,數字不停跳,唔知係好定差。
嗰一刻,我覺得好無助,除咗喊之外,任何嘢都做唔到,
阿爺好快就係醫院過身,心情都未必平覆。當阿爺離世後,
家人要開始安排身後事,其中我嘅細表弟問,究竟公公
去咗邊,當時,我姑姐話,公公係去咗天堂,係嗰個可以
好舒服咁生活,係嗰一刻,我嗰心突然覺得好似有人安慰,悲傷好似止咗痛。
再過多幾年,教會洗禮通常係4月,而係千禧年嘅洗禮,竟然係我嘅生日,而我嘅生日係5月份。於是,心裡面突然間好想舉手去洗禮。因為我可以同時慶祝,地上出世同靈命出生係同一日。
在考問信德時,我完全相信耶穌真係為我哋釘過十字架,就算自己唔小心被針拮過,都會覺得痛,何況一支好粗嘅釘,係耶穌手中有釘過的痕跡,我覺得真係好痛好痛。
我相信嘅神,佢係唔可以用公式或電腦去計算。係要將心交比佢,佢可以帶比你有無限的安全感。
bottom of page